ورشه الجيبه بدات ياللايابنات

حبايبي بناء علي طلب اخواتي او بناتي المؤمنه والوسن ومقبولتي العسل حااعمل ورشه لجيبه عملتها ونزلتها في المنتدي
مين تشترك معايا

شوفي ياام وسن الجيبات دي
]

hello everyone
that is my first time here and i just started to learn and i would like to jouing you

مشحكيتلك يا قمر انا معك على طول
انتي نستيني والا ايه
انا بانتظار الورشة على نار

صباح الخير والفل والياسمين ورضا الله سبحانه وتعالى

جزاكى الله خيرا واثابك الجنة باذن الله

معاكى ان شاء الله يا قمر

ربنا يبارك فى عمرك وفى صحتك


احبك فى الله اختى الحبيبة

loveyourlife كتب:

hello everyone
that is my first time here and i just started to learn and i would like to jouing you

اهلا بيكي ياقمر ونورتينا ونورتي المنتدي كله
بس لو ممكن التواصل يكون بالعربي علشان كلنا نفهم بعض وافهم اسئلتك كويس والبنات يفهموا معانا
لو مش ممكن مافيش مشكله واهلا بيكي مره تانيه

مقبولة 2007 كتب:

مشحكيتلك يا قمر انا معك على طول
انتي نستيني والا ايه
انا بانتظار الورشة على نار

مااقدرش انساكي ياعسل انتي
بس انتي معايا هناك واسمك منور الموضوع فقلت كفايه عليها ورشه واحده ولا ايه
والله علي بالي علي طول بس ده كان تفكيري وانا باكتب الموضوع

تم التعديل يامقبولتي ومااقدرش علي زعلك ياقمر

ياللا يابنات حانبدا بسلسله علي قد محيط الوسط وزودي شويه يعني 4 غرز كمان
لو عايزه تعملي الجيبه علي بعضها حاتعملي كده
لو عايزه تعملي الامام لوحده والخلف لوحده حاتبدئي بنص عدد السلاسل فقط وتعملي سطر غرزه حشو
انا عملت لبنتي بتلبس مقاس 36
بدات علي 120 سلسله +سلسله لبدايه السطر التالي كده

وعملت اول سطر غرزه حشو او ممكن سطرين وبعدين اعمده لمسافه 10 سم تقريبا او حسب رغبتك وبعدين قسمت لعمل الغرزه
اربع عماويد- غرزتين سلسله وكررت لعايه الطول اللي انتي عايزاه تقفي عنده وتبداي الورد

بصوا يابنات انا حاانزل شرح الراجيه للورده باذن الله علشان اللي عايزه تعمل الورد علي طول

المؤمنه كتب:

صباح الخير والفل والياسمين ورضا الله سبحانه وتعالى

جزاكى الله خيرا واثابك الجنة باذن الله

معاكى ان شاء الله يا قمر

ربنا يبارك فى عمرك وفى صحتك


احبك فى الله اختى الحبيبة

مؤمنه الغاليه
والله ماشفت ردك الا دلوقت
صباح الهنا ياقمر وياللا ورينا الشغل الجميل
والله علي الدعوه الجميله دي ربنا يخليكي ياعسل

ربي يخليكي ويزيدك صحة وعافية بس انا بمزح يا عسل
شوفي ان شاء الله اليوم راح اطبق كل اللي حكتيه للتنورة
بس طمنيني بالنسبة للبوليرو مشى الخيط معك ربنا يعينك

دي شكل الورده اللي راجيه عملاها وعلي فكره وحشتني جداااااااا ومش معقول كده ماكانش كمبيوتر ده
]

نبدا بسم الله


اشتغلى 6 سلسله
]
ثم اغلقيهم بنزلقه لتكوين دائره
]
اشتغلى 3 سلسله ( نعتبرهم اول غرزه بريد فى السطر الجديد لان ارتفاع غرزهالبريد هو 3 سلاسل
]

ثم اشتغلى 15 غرزه بريد فى الدائره

اصبح لدينا 16 غرزه بريد ( 3 سلسله + 15 بريد )
]

ونغلق بمنزلقه

مقبولة 2007 كتب:

ربي يخليكي ويزيدك صحة وعافية بس انا بمزح يا عسل
شوفي ان شاء الله اليوم راح اطبق كل اللي حكتيه للتنورة
بس طمنيني بالنسبة للبوليرو مشى الخيط معك ربنا يعينك

لا دا كله الا زعل مقبوله العسل
انا رديت عليكي هناك
قربت اخلصه وفعلا حايبان في اللبس
وحااجرب برضه البوليرو الاولاني بتاع فراولايه

ونكمل
اشتغلى 4 سلسله ( 3 نعتبرهم كاول غرزه بريد + 1 سلسله
]
ثم اشتغلى فى الغرزه التاليه غرزه بريد ثم 1 سلسله
]

ثم نشتغل فى الغرزه التاليه غرزه بريد ثم 1 سلسله ونكرر الى نهايه العمل ونغلق بمنزلقه
]
]

ماشاء الله عليك ام قسمت وربنا يسهل لكم عمل الورشة

نشتغل غرزه منزلقه لنصل الى اول سلسله
]
ونقوم بشغل غرزه حشو
]
نقوم بشغل 3 سلسله

]
ثم حشو فى السلسله التاليه
]

ثم 3 سلسله ثم حشو فى السلسله التاليه
ونكرر هذهالخطوه الى نهايه السطر ونغلق بمنزلقه
]

يا سلام يا غاليه كان نفسي اعمل معاكم

ان شاء الله مره ثانيه واكيد راح اعمل حاجه معك يا قمر

ممكن اعمل تريكو ليه لا دا لو علمتيني


موفقه حبيبتي وراح اتابع الشغل

حبيبتى ام قسمت ما شاء الله

شرحك جميل وسهل

اطلب نصيحتك لانى اول مرة اشتغل جيبة

اعمل الجهة الامامية الاول وبعدين الخلف

ولا اشتغل الجيبة كاملة

الاسهل قولى عليه مشكووووووووووووووووووووووورة

ما شاء الله يا بنات

الله يوفقكم

ام قسمت استاذه في الشرح

جزاك الله خير على الشرح الجميل

سأحفظه عندي لغاية ما الاقي وقت

تعرفي امتحانات الاولاد هذا الشهر وباقي عليها حاجة بسيطة

الله يوفق اودي واولادكم وجميع المسلمين

اللهم آمين

rosse كتب:

يا سلام يا غاليه كان نفسي اعمل معاكم

ان شاء الله مره ثانيه واكيد راح اعمل حاجه معك يا قمر

ممكن اعمل تريكو ليه لا دا لو علمتيني


موفقه حبيبتي وراح اتابع الشغل

,وانا كمان والله ياقمر كان نفسي تكوني معانا
والتريكو اعلمك وي من عينيه الاتنين

المؤمنه كتب:

حبيبتى ام قسمت ما شاء الله

شرحك جميل وسهل

اطلب نصيحتك لانى اول مرة اشتغل جيبة

اعمل الجهة الامامية الاول وبعدين الخلف

ولا اشتغل الجيبة كاملة

الاسهل قولى عليه مشكووووووووووووووووووووووورة

بصي ياقمر في الكروشيه مافيش مستحيل لان كل شيء ممكن
انا عملت الضهر لوحده والامام لوحده لعايه الارتفاع اللي عايزه الورد عليه لان الورد غصب عني خلاني اوصل الاتنين مع بعض

خوالي كتب:

ما شاء الله يا بنات

الله يوفقكم

ام قسمت استاذه في الشرح

جزاك الله خير على الشرح الجميل

سأحفظه عندي لغاية ما الاقي وقت

تعرفي امتحانات الاولاد هذا الشهر وباقي عليها حاجة بسيطة

الله يوفق اودي واولادكم وجميع المسلمين

اللهم آمين

الله يخليكي ياخوالي يااستاذه
والله مجرد وجودك رفع معنوياتي وكان نفسي تكوني معانا
بس معلش خيرها في غيرها

اقتباس :

اعلمك وي من عينيه الاتنين

فينك يا قمر

صباح الخير والايمان

يارب يعطيكى الصحة والعافية

انا عارفة انك بتعملى مجهود كبير

ربنا معاكى ان شاء الله

اختى الحبيبة انا خلصت العواميد للجهة الامامية

ابدا اعمل الورد

فى انتظار الرد

صباح الخير والفل على عيونك يا عسل
وين هالقمر ما بان
في سؤال لو حبينا نزيد في مرحلة الاربع عواميد وزردتين بينفع نزيد وكيف
وكيف ممكن نشبك الوردات
سلامي لكي وسلمك الله من كل مكروه وضيق يا رب

مساء الخير
انا جيت متاخره شويه ، كان عندي ظروف
شكرا يا استاذه على الجيبات

يا استاذه الورده طلعت صغيره !

المؤمنه كتب:

فينك يا قمر

صباح الخير والايمان

يارب يعطيكى الصحة والعافية

انا عارفة انك بتعملى مجهود كبير

ربنا معاكى ان شاء الله

اختى الحبيبة انا خلصت العواميد للجهة الامامية

ابدا اعمل الورد

فى انتظار الرد

اهلا بيكي ياقمر
معلش بانام كتير اليومين دول اصلي باخد دوا حساسيه بيخلي راسي تقيله علي طول
المهم انتي خلصتي النصف الامامي اعملي الخلفي زيه بالظبط وبعدين ابدئي الورده
انا لسه مانزلتش باقي خطوات الورده علي فكره
وانتي عامله العماويد طولها قد ايه

مقبولة 2007 كتب:

صباح الخير والفل على عيونك يا عسل
وين هالقمر ما بان
في سؤال لو حبينا نزيد في مرحلة الاربع عواميد وزردتين بينفع نزيد وكيف
وكيف ممكن نشبك الوردات
سلامي لكي وسلمك الله من كل مكروه وضيق يا رب

مقبولتي الحبيبه ازيك ياقمر
شوفي ياستي فيه كذا طريقه
ممكن تزودي من الجانبين زي ماانتي عايزه يعني ممكن كل سطر عمود من كل جانب او ممكن كل سطرين تبع الوسع اللي انتي عايزاه
انا عملت طريقه تانيه
خدي بالك معايا
بتبدئي انك تزودي تلت المجموعه يعني انتي عندك عدد من المجموعات كل مجموعه مكونه من 4 عماويد وسلسلتين مش كده
حاتزودي في مجموعه وتسيبي مجموعتين وبعدين السطر اللي بعده تزودي تلت كمان من المجموعات كده تكوني زودتي ثلثي المجموعات وفاضل لك ثلث
في السطر التالت زودي الثلث الباقي كده حايكون المجموعه عندك كدمكونه من 5 عماويد وسلسلتين
فهمتيني ياقمر
ولو عايزه الوسع اكتر زودي كمان شويه بعد كذا سطر
وده يرجع لك انتي ولشكل الشغل في ايدك
والورده يتوقف مكانها علي المكان اللي عايزه تشبكيها فيه يعني الارتفاع